|
2010
ՁԻԱՀ-ից մահացածների հիշատակի մոմավառություն |
ՁԻԱՀ-ից
մահացածների հիշատակի մոմավառություն
Լույսեր անհամար, մարդու իրավունքների համար
 2010 թ-ի մայիսի 16-ին ժամը 18:00-ին` Թամանյանի արձանին կից պուրակում
մի շարք կազմակերպությունների նախաձեռնությամբ տեղի ունեցավ ՁԻԱՀ-ից
մահացածների հիշատակին նվիրված 27-րդ միջազգային մոմավառության
արարողությունը: Միջոցառման ժամանակ տեղի ունեցավ մոմավառության
արարողություն, «Կրճատենք Տարածությունը» ակցիան, կարվեց ՁԻԱՀ-ից
մահացածների հիշատակի «Քվիլթ»:
«Եթե հասարակությունն այսքան անտարբեր չլիներ համաճարակի ու ՄԻԱՎ-ով
ապրող մարդկանց նկատմամբ, մահվան գրանցված 207 դեպքի փոխարեն մենք
այսօր կարձանագրեինք զգալիորեն ավելի քիչ դեպքեր: Շատերի մոտ ՄԻԱՎ
վարակն ախտորոշվում է արդեն ՁԻԱՀ-ի փուլում, երբ մարդկանց կյանքը
փրկելը շատ ավելի դժվար է: Հիմնական պատճառն այն է, որ մարդիկ վախենում
են խտրականությունից ու հրաժարվում դիմել հետազոտության», - իր խոսքում
նշեց միջոցառման կազմակերպիչներից Հովհաննես Մադոյանը:
«Այսօր կարված Քվիլթը խորհրդանշում է ՁԻԱՀ-ից մահացած մարդկանց
հիշատակը: Նրանցից շատերը մեր ընկերներն էին: Մենք չենք մոռանում, որ
ռիսկի խմբում կարող է լինել ցանկացած մարդ, մենք չենք մոռանում, որ այս
խնդիրը վերաբերում է մեզանից յուրաքանչյուրին, և որ միայն համատեղ
ջանքերով կարելի է նվազեցնել մահվան դեպքերի գրանցումը»,- մատնանշեց «Դրական
մարդկանց հայկական ցանց» ՀԿ-ի նախագահ Անահիտ Հարությունյանը:
«Այն երկրներում, որտեղ մարդու իրավունքների պաշտպանությունը բարձր
մակարդակի վրա է, զգալիորեն նվազել է ՄԻԱՎ վարակի տարածումը: ՄԻԱՎ-ի
կանխար•ելման լուրջ խոչընդոտ է հանդիսանում խտրականությունը,
անհարգալից վերաբերմունքն ու անտարբերությունը»,- ասաց «Հանրային
տեղեկատվություն և գիտելիքի կարիք» ՀԿ-ի նախագահ Մամիկոն Հովսեփյանը:
Միջոցառման
լուսանկարները կարող եք բեռնել այստեղից: |
 |
